ڊاڪٽر پرڌان روپچند

پرڌان روپچند، ڊاڪٽر: اديب، شاعر ۽ ڪھاڻيڪار ڊاڪٽر پرڌان ولد روپچند سوٽھڙ 13 جون 1944ع تي ڳوٺ مھڪي جي تڙ، تعلقي ڇاڇري، ضلعي ٿرپارڪر ۾ جنم ورتو. هاءِ اسڪول ڇاڇري مان 1964ع ۾ مئٽرڪ جو امتحان پاس ڪري، پاٽويون شھر ۾ انگريزيءَ جو استاد مقرر ٿيو. 1966ع ۾ شاهه عبداللطيف ڪاليج ميرپورخاص مان انٽر ۽ 1969ع ۾ لياقت ميڊيڪل ڪاليج ڄامشوري مان ايم. بي. بي. ايس جي ڊگري حاصل ڪئي. ڊاڪٽر پرڌان لکڻ جي شروعات 1964ع ۾ مئٽرڪ دوران ڪئي. سندس ٻه ڪتاب “سون سريکيون ساروڻيون” (آتم ڪٿا: 2010ع) ۽ “جيڪي مون سکيو ۽ لکيو” (خاڪا: 2012ع) ڇپيل آهن. ان کان سواءِ سندس ڪھاڻيون، ترجما ۽ شاعري ‘همدرد’، ‘لطيف مئگزين’، ‘لياقت مئگزين’، ‘سرت مئگزين’ (ڪراچي)، ‘عبرت مئگزين’، ‘مھراڻ’، ‘امرتا’ ۽ ‘جاڳرتا ’ رسالن ۾ ڇپيل آهن. هن ڪيترا ئي سال ٽنڊي الھيار ۾ پنھنجي خانگي اسپتال هلائي. 23 مئي 2023ع تي ميرپورخاص ۾ وفات ڪئي.

داخلا ۾ استعمال ٿيل تاريخون

1944.06.13  عيسوي

ڊاڪٽر پرڌان ولد روپچند، ذات جو سوٽهڙ آهي. هن 13 جون 1944ع تي ڳوٺ مهڪي جي تڙ، تعلقي ڇاڇري، ضلعي ٿرپارڪر ۾ جنم ورتو.

2023.05.23  عيسوي

ڊاڪٽر پرڌان روپچند 23 مئي 2023ع تي ميرپورخاص ۾ وفات ڪئي.

شخصيتون - ڀاڱي جون ٻِيون داخلائون